ಗಣಿತ ಪ್ರಪಂಚಕ್ಕೆ ತನ್ನದೇ ಶ್ರೇಷ್ಠತಮ ವಾದ ಕೊಡುಗೆಯನ್ನು ನೀಡಿದಂತೆ , ವಿಶ್ವವನ್ನೇ ಬೆರಗುಗೊಳಿಸಿದ ಹೆಮ್ಮೆಯ ಭಾರತೀಯ ಗಣಿತ ಶಾಸ್ತ್ರಜ್ಞ ಶ್ರೀನಿವಾಸ ರಾಮಾನುಜನ್ ಅವರ ಜನ್ಮದಿನದ ಸಂಸ್ಮರಣಾರ್ಥವಾಗಿ ರಾಷ್ಟ್ರೀಯ ಗಣಿತ ದಿನವನ್ನು ಆಚರಿಸ ಲಾಗುತ್ತದೆ.

ಅನಂತದ ( Infinity ) ಅಥ೯ವು ಆ ಗಣಿತ ಗಾರುಡಿಗನಿಗೆ ಗೊತ್ತಿತ್ತು – ಸುಮಾರು ಮೂವತ್ತೊಂದು ವರ್ಷದ ಹಿಂದೆ ಆ ಹೆಸರಿನ ಪುಸ್ತಕವು ಪ್ರಕಟವಾಗಿತ್ತು… ಅಮೆರಿಕಾದ ವಿಜ್ಞಾನ ಬರಹಗಾರ ರಾಬರ್ಟ್ ಕೆನ್ನಿಗೆಲ್ ಬರೆದ ಆ ಪುಸ್ತಕವನ್ನು ಆಧರಿಸಿಯೇ ಆರು ವರ್ಷದ ಹಿಂದೆ ಮ್ಯಾಥ್ಯೂ ಬ್ರೌನ್ ಎಂಬಾತ ನಿರ್ದೇಶಿಸಿದ ಆಂಗ್ಲ ಭಾಷೆಯ ಚಿತ್ರವು ಬಂದಿತ್ತು… ” The Man who knew Infinity” ಎಂದು ಅದರ ಹೆಸರು – ಅನಂತವನ್ನು ( Infinity) ಅರಿತವನು ಎಂಬ ಅರ್ಥದ ಆ ಚಿತ್ರದ ಬಗ್ಗೆ ಎಲ್ಲರಿಗೂ ಕುತೂಹಲವಿತ್ತು – ಏಕೆಂದರೆ ಮೊದಲನೆಯದಾಗಿ, ಆ ಚಿತ್ರವು ಭಾರತ ದೇಶವು ಕಂಡ ಮಹಾನ್ ಗಣಿತ ವಿಜ್ಞಾನಿ ಶ್ರೀನಿವಾಸ ರಾಮಾನುಜನ್ ರವರನ್ನು ಕುರಿತ ಚಿತ್ರವಾಗಿತ್ತು… ಎರಡನೆಯದಾಗಿ, ಅನಂತ ಸತ್ಯದ ನಿರಂತರ ಅನ್ವೇಷಣೆಯೂ ಕೂಡ ಕುತೂಹಲವೇ ಆಗಿರುತ್ತದೆ ….!

ವೇದಗಳು ಅಪೌರುಷೇಯ ಎನ್ನಲಾಗುತ್ತದೆ… ಅಂದರೆ ಅದನ್ನು ರಚಿಸಿದವರು ಮನುಷ್ಯರಲ್ಲ ಅನ್ನುವುದು ಅದರ ಅರ್ಥ… ಇವತ್ತಿನ ವಿಚಾರ ವ್ಯಾಧಿಗಳು ಈ ಮಾತನ್ನು ಲಘುವಾಗಿ ತಳ್ಳಿ ಹಾಕಬಹುದು… ಆದರೆ ಶ್ರೀನಿವಾಸ ರಾಮಾನುಜನ್ ಎಂಬ ಈ ಅಸಾಧಾರಣ ವ್ಯಕ್ತಿಯ ಜೀವನದ ಬಗ್ಗೆ ತಿಳಿದುಕೊಂಡ ಯಾರೇ ಆದರೂ ವೇದಗಳು ಮನುಷ್ಯ ರಚಿತವಲ್ಲ, ಆ ಮಟ್ಟದ ಜ್ಞಾನ ಮನುಷ್ಯನ.